बाँकेको कोहलपुर नगरपालिका–सिद्धनगरस्थित जनज्योति विद्यालय र अभिभावक–शिक्षक संघ (PTA) को संयुक्त आयोजनामा मंगलबार दशैँ मिलन कार्यक्रम सम्पन्न भएको छ।
नेपालीहरूको महान् पर्व बडादशैँको अवसरमा आयोजित उक्त कार्यक्रमले शिक्षक, अभिभावक तथा विद्यालय परिवारबीच आपसी सद्भाव, भाइचारा, एकता र आत्मीयता अभिवृद्धि गर्ने उद्देश्य राखेको थियो। कार्यक्रममा सहभागीहरूले एकआपसमा शुभकामना आदानप्रदान गर्दै नेपाली मौलिक संस्कृति, परम्परा र चाडपर्वको महत्त्वबारे चर्चा गरेका थिए।
कार्यक्रमले विद्यालय र अभिभावकबीचको सम्बन्धलाई थप सुमधुर बनाउँदै विद्यार्थीहरूको शैक्षिक तथा सामाजिक विकासका लागि सहकार्य र समन्वयलाई अझ बलियो बनाउने विश्वास लिइएको छ।
विजयादशमीको शुभकामना! 🌺 दशैँले सम्पूर्ण विद्यालय परिवार, अभिभावक तथा विद्यार्थीहरूको जीवनमा सुख, शान्ति, समृद्धि र खुसी ल्याओस्।
Post a Comment